Gerhard Ruiss, Text / John Morissey, Musik

Wos soist song-Gstanzln (Stegerlied)

 

Ka Zruckredn, nix song,

wa da Regiarung scho recht,

und a nix bleds frong,

is ois wos gean mecht.

 

Des sicht ma und heat ma

daunn im ORF,

olle schrein laut: „Hurra!“

So geds Regierungsgscheft.

 

Und da Schtiftungsrotsschef Schtega

waß, a Schef is, wea so redt,

dea is ned wia a jeda,

is a si fia nix, wos a sogt, zbled.

 

Wosd zum hean kriagst, do schaust,

in an jedn Programm,

bessa iss, du passt auf,

ois dasd no wos vasamst.

 

Sche brav sei und foing,

is di greßte Gaude,

und goa nix mea woin,

nua fest poschn: Juchhe!

 

Und da Schtiftungsrotsschef Schtega

waß, wos vabong is, is ned grod,

wia a jeda fria oda schpäda,

is a si fia nix, wos a sogt, zschod.

 

Ois Genaraldirekta sogst da do: „Oha,

gscheida glei, ois wia nie,

a eigane Sendung fia an jedn Minista

und da Genaraldirekta bleib i.“

 

Aum liabstn sogt e a jeda, wos eam grod gfreit,

und liawa vü zvü ois vü zknopp,

aum bestn glei olle und ois zaumm au von Heit,

wäus muang eh scho kana mea hean und seng mog.

 

Und daSchtiftungsrotsschef Schtega

sogt, jetzt bin i amoi aum Wuat,

i bin zwoa zoin, owa gaunz bsundas

zum Pappnhoidnauschoffn guad.

 

A waunn nix mea wos güt,

und goa nix is los,

und scho a jeda von oin ois waß,

waß no imma wea wos.

 

Mia geds guat, sogt da Kaunzla,

i bin glicklich und gsund,

min Regian schauts grod ned so guat aus,

owa i hob heit an Funk.

 

I hob nix zum song

und zum redn kan Grund,

owa ma kennt mi wos frong,

auf wos i wos zsong haum kena kunnt.

 

Und von Schtiftungsrotsschef Schtega

hod ma scho laung nix mea gheat,

ea passt guat drauf auf,

daß eam aum ORF nix mea schteat.

 

Heast di Schtiftungsrät song,

jetzt song ma owa wos glei,

gengans in Sitzungssoi togn,

duat foit eana eh nix mea ei.

 

Im Sitzungsrotssoi sitzt 

auf Schwün vom Repräsentian, 

auf gliarade Koin was ned so sche,

soit ma di dabei fotografian.

 

Und da Schtiftungsrotsschef Schtega

sogt: „Do kaunn ma si ned ian,

ma waß ois, wos hoiwad woa is.

Wissad mas gaunz, miassad ma liang.“

 

In an Nusrum gschicht nix,

aus an Gloskowe schaun sixt

lauta hektische Leit,

kana hod zum Nochdengn Zeid.

 

Nua waunn a eh ned do schted

und eh goa kan föd,

si nix riat und a nix bewegt,

daunn sicht man hoid ned. 

 

Und da Schtiftungsrotsschef Schtega waß

Schournalistn muass ma eaziang,

woins kane üwas Happe kriang,

kriangs ane aufs Hian.

 

Drast dein Kopf, schaust wohi:

Is wea do? Sixt kan wo.

Drahst aum Knopf, soweid dasd wüst,

schon is a oh.

 

Und in Schtiftungsrotsschef Schtega

is des no imma ned zbled,

ea redt weida und weida, ea is hoid

a Korifä und a Kapazität.

 

Wien, Karlsplatz

6. Juni 2018